منتدى (نـــــورالزهراء للعلاج القرأني ) العلاج بالطاقة الشفائية -

من العراق اجيتك يا حبيب الروح ( بقلمي )

كتبت هذه الابيات لاخي وصديقي الوفي المرحوم ( غازي شمخي البدري)

وهو مدفون بسورية قرب الحرم الطاهر للسيدة زينب عليها السلام

من العراق اجيتك يا حبيب الروح جيتك .......قوم أنهض يبوجعفر وسلم عليه

أرد اسولفلك سوالف جانت اببالي .......وأنعمت عيني على ذيج الخوية

أذا تسمعني يبوجعفر قول أسمعك .......خل روحي ترد يبوذات الوفية

ترى دموعي طاحن بس شفت أسمك........اسمك عالقبر مكتوب وحيل مابية

وقمت أقرى وقمت انعى بصوت عالي .........وقالت الزوار شوفوا هالشايب خطية

حطيت راسي اعلى القبروأنا ما أدري ........واشبكت القبر باثنين أدية

وصحت والناس سمعتني ........غازي هاني ليش عميتوا عليه

جنت ازور ابني الاول بالنجف واقراله الفاتحة........وهسه ازور ابني الثاني وهم اقراله الفاتحة

بس تدرون شنو الفرق بين الاول والثاني .......ذاك الولد وهذا الاخو خل تصيح الصايحة

الفاقد ولد والفاقد اخو ما ينلام ........لو صاح بعلو صوته وخل تنوح النايحة

أويلاه واويلاه وأويلاه ....... وكل يوم الغروب عيوني شابحة

تنتظر ياهو اليجيها وياهو التشوفه .........بلكي هاني وبلكي غازي عيوني كلش مالحة

وين القى الخوة ذيج .........ووين القى اخوان للخوة الصالحة

قمت أجرب وقمت أدور وقمت أسال ........وأتاكدت ماكو بهالوكت خوة ناجحة

عود اجرب من جديد اخوان ........ ما اظن القى وفي مثلك عمت عين الوطية

وهسه ارد ابدل اسمعوني

هذا البيت مخصوصا جدا مع التعديل لابوجعفر ( غازي الشمخي البدري ) صديق العمر

كفني .......يبوجعفر قوم غسلني .....كفني

أجروحي التمن أبقلبي ......كفني

لا اغسلتني الناس ياهو مثلك ......يكفني

ويوسدني اللحد ويهل تراب القبر عليه