مشتاق الك يوليدي( كتبتها بتاريخ) 11/8/2021
****************************************
مشتاق الك يوليدي.... اسنين راحت وانتهت
يومية اباوع صورتك....واحوالي كلها تخربطت
يومية اقولن يرجع.....وما ظل الي مدمع
وليدي يا شمعة بيتي .....وانا ادري ما ترجع
مشتاق الك يوليدي...
***********************
من يوم الطحت بالنهر ....كل حيلي وياك جان
مدري انت الغرقت ....مدري أنا الغرقان
كل عمامك وأخوالك....اتجمعوا والصحبان
وكلها صاحت ياهاني ....يا زينة الشبان
مشتاق الك يوليدي ...
**********************
وما نسيتك يوليدي ....يا شعرة من روحي
ولمن أباوع صورتك....تنفتح كل اجروحي
ويا شباب الراح مني....وانا ظليت بنوحي
ويا وسفة وألف حيف....اتكسرت كل اضلوعي
مشتاق الك يوليدي ...
**********************
بوية يا هاني تعال .... بالحلم مرة ارد اشوفك
حتى لو مرت خيال ....وتلتحم روحي وي روحك
حتى اضل اشمن بيك ....ويختلط نوحي وي نوحك
وحتى اشبع منك شوف ....يا بعد روحي روحك
مشتاق الك يوليدي ...
**********************
وهم يجي يوم التقيك....ونقعد أنا وياك شوية
وحتى روحي هم تهيد ....والله بويه مو بيديه
أسنين وأنا أفكر بيك ....وعقلي صاير موش اليه
وصورتك النوب اقبالي ....بكل صباح وكل مسيه
مشتاق الك يوليدي
*******************************************