ياشايلين النعش بس لا تبعدونه
ريضوا ابنعش الولد خلهم يودعونه
ريضوا بنعش الولد ساعه تانوني
وانه برباه اتعبت سهرانه اعيوني
لا تشيلونه ابعجل بالله دتانوني
والله عزيز الولد عند امه خو تدرون
لو جوني ربع الولد اكول الولد مدفون
عذبني يمه الدهرا ومني خذه وليدي
مني مشيت اورحت يايمه ا شبيدي
اشحال الشباب المشه واهله يودعونه
ذاك الشباب المشه اهله يريدونه
رادو بزفته الولد اهله يهنونه
وشلون تالي الولد بقبره يدفنونه
ياريت ام الولد ماتت قبل يومه
ومااشوف نعشه من  مشى وامغيب ارسومه
صاحت يا يمه الولد بسك من ألنومه
راس أمك شاب من البجي  ومن أنظر أهدومه
قلبي تراهو انعصر