أحوال ميت ( بقلمي الحزين )

أرد أسولف عن أحوال ميت .....وأشرح أحواله لليسمعون

وكل ميت أهله لابد يغسلونه ..... ويحملونه أربعة وللنجف يرحون

ويوسعون قبره لمن يحفرونه.....ويدفنونه بركادة وتبجي العيون

والأبو الفاقد ابنه لاتلومونه.....لاشق ثوبه وصار مجنون

لن أبنه من النهر قاموا يطلعونه.....أخواله وعمامه واليحبون

ووقفت ناس اشكثريشوفونه.....لمن هو وأبوه يتشابكون

وحدى الناعي بصوت كلهم يسمعونه..... ونوحوا وي أبوه كلكم يالتنوحون

وجابوه للغسل ورادوا يغسلونه..... وشد أحزامه أبوه ويه اليغسلون

وأجوا ربع أبوه وأوقفوا دونه .....وخافوا عالأبو لمن يكفنون

وحطوه بالنعش وللنجف يردونه .....وصاحت أمه أنوب أشلون تمشون

أنا الربيت والغيري تودونه .....خلوني أرد أودعنه لا تبعدون

وعمره بالعشرين عريس وتشوفونه..... وزفوه للنجف يالتزفزن

ردت كل أخواله وعمامه يودعونه.....ولأبوه النوب بعرس أبنه يهنون

ويعريس الماتهنه بتابوته يزفونه.....وياحيف أعلى الشباب الرادوا يعرسون

ويحفار قبره بهيده من تنزلونه.....وشباب ومافرح مثل اليفرحون

وأنعمت عين القاع البيها تدفنونه.....وأنعمت عين أمك يهاني يمزيون

وخلصت دموع أبوك وراحت عيونه.....وأظن فقد الولد عالأبو ميهون

وأبوك أعليك يسأل هاني وأشلونه.....وما ظنتي الموتى هم يردون

وعريس أدفنوه وأنقلب لونه..... ومشوا عنه الاهل وصاروا يودعون

كتبت هذه القصيدة بتاريخ 18/3/2012

اجرك الله يا شيخنا الغالي صراحة كلمات حيل مؤلمة وتجرح وتبكي الواحد والله يعوضك خير ان شاء الله

[size=32]قصيدة ليس الغريب ( بصوت العاصي والجاني )

[ندعوك للتسجيل في المنتدى أو التعريف بنفسك لمعاينة هذا الرابط]

ونسألكم الدعاء

ليس الغريب غريب الاهل والوطن ....ان الغريب غريب اللحد والكفن
[/size]

شكرا لكم شيخنا الطيب والله يرحم ولدكم

شكرا لكم شيخنا الطيب والله يرحم ولدكم

الله يبارك في عمرك وفي حياتك ويحفظك لعيالك والمحبيك تقبل تحياتنا شيخنا الغالي

» صرخة عند القبور(بقلمي الحزين)
» نداء ولدي(بقلمي الحزين )28/8/2011
» ودعت الولد بالنجف ( بقلمي الحزين )13/9/2
» أعليك الحسين هاني يولدي( بقلمي الحزين )
» الله يادنيا الحزن بقلمي الحزين 22/5/2010