نداء ولدي(بقلمي الحزين )28/8/2011

نداء ولدي(بقلمي الحزين )

أسمعت صوته يناديني .....وايقلي وينك يا أبوهاني
شوجن جيتك طولت .....لن عندك ولد ثاني
يابويه أبعدت عني .....أنت وأمي وأخواني
وقلبي أنشلع من سنتين .....وأول مرة تنعالي
أسمعتك يايبه تنعى .....مرة بليلة الجمعة
وأتقول أه يبني ياهاني ..... وخله بالقلب وجعة
وصحت من قبري يابويه.....مابيها بعد رجعة
ولو بيه وأيخلوني .....أجيت أركض فرد ركضة
لجن ياحيف يا وسفة .....مابيه بعد طلعة
أنعمت عينه الماي غرقني.....ومن أهلي فرد شلعة
وعمري ماكمل عشرين .....وقضيته بظيم ماأجرعه
وهذا خالي هالنايم .....لو يقعد والله أفزعه
واقله أتروح للوالد.....تشمشم بيه وابصدره
واتقله أبنك يسلم أعليك .....وأيقلك وقف الدمعة
موكافي يبويه أدموع .....قلبي أشلعته فد شلعة
أريد أقسم يبويه اعليك .....براس احسين والزهرة
وأبسيد الصرخي المظلوم .....وقف يايبه الدمعة
وابشرك يايبه ابشارة .....وأنا الفرحان من قبره
لمن أنزلت وابقبري ..... أتلقوني أهل كثرة
ورحبوا بيه وبدموع .....وأخذوني ترى بسرعة
تدري يابويه ياهم ذول .....وطلعوني من القبر طلعة
هذوله حيدرالكرار.....وأم الحسن يازهرة
وهذوله الحسن واحسين .....وعبدالله أبو العبرة
وأجاني زلمة يمشي أهناك .....راكبله فرس شقرة
ولمن وصل ليه قال .....نجيت من القبر وأمره
قتله ياعمي ليه اذنوب .....هواية من جنت بره
قال اذنوبك انت مغفورة .....السبب واحد موعشرة
لانك قلدت محمود .....وجنت طايع اله بأمره
وقلت ياهو انت يراعي الخيل ..... يالوجهك مثل بدره
قال انا الصار اله اسنين ..... ايتاني امره من ربه
قتله أي ياسيدنا ..... المهدي راعي الشقرة
كتبت هذه القصيدة
يوم الاحد 27رمضان 1432
28/8/2011
الساعة السادسة صباحا

نشكرك شيخنا الغالي على كل مجهود تقدمه في هذا المنتدى وسوق نكون عونا لك

شكرا لكم شيخنا الطيب والله يرحم ولدكم

نشكرك شيخنا الغالي على كل مجهود تقدمه في هذا المنتدى وسوق نكون عونا لك

الله يبارك في عمرك وفي حياتك ويحفظك لعيالك والمحبيك تقبل تحياتنا شيخنا الغالي

» أحوال ميت ( بقلمي الحزين )
» صرخة عند القبور(بقلمي الحزين)
» ودعت الولد بالنجف ( بقلمي الحزين )13/9/2
» أعليك الحسين هاني يولدي( بقلمي الحزين )
» الله يادنيا الحزن بقلمي الحزين 22/5/2010