وين اخوتي القالوا لعد عيناك

وين اخوتي القالوا لعد عيناك
(بقلمي الحزين المتواضع)

وين اخوتي القالوا لعد عيناك.....ياهو الشاف منكم شط الفرات
ارد احشمكم يخوتي واولاد عمي...البناصرية والمحافظات
خمس اسنين مرن وانا متلوع.....والشط بعده يجري بطون حيات
ولكم فرات الناصرية اخذ ابني ....وخاله وياه واترافقوا حتى الممات
وجادر وفاتحة وحضرت الناس....وما قصرت اهل الرحم بالموزمات
وانا انظر بعيني جني يتيم ....لن محد اخذ ثاري من ماي الفرات
يعني اسمكم اخوتي بس بالعزاء....وبعد لمتنا هم نرجع شتات
مو ظهري انكسر يا اولاد ابوي....والماعنده ظهريصبح نبات
وين اخوال هاني القالوا لعد عيناك....جن راح الرحم منهم سلامات
انا اليوم ابني قبال عيني ....وبالحلم شفته وانحصرت الدمعات
احترت وي ابني لمن يسائلني....اشلون اهلنا وياك ياطيب الذات
شاقله اتركوني واتركوا حتى السؤال....انا اخاف ايكثر بالسؤالات
اقعدت من نومي مفزوعن واصيح....هاني الراح مني يا وسافات
و حيهم يخوتي وقمت ما اشوف....اسالوا علي وخيبوا الشمات
واجيت الكربلا واسكنت بيها....لان احسين بيها انطاني المرادات
ومثل ما انطيت هاني انطي مهدي وعقيل....فدوة لحسين تاج الزعامات
وانا ادور خوة حسين وي عباس....لو هيج خوة لو كلها مذلات
ياهو اليقدر يوفي حق خوته....كون يوصل وفاه الحد الممات
هسه اعرفتوا يخوتي ويا اولاد عمي....انا ليش اذكر ابني بالمنامات
لان هو ابني وهو اخوي ....وخوته ما تنوجد عندي ابد هيهات

وين اخوتي القالوا لعد عيناك (بقلمي الحزين المتواضع)
كتبتها بتاريخ 10/12/2013

الله يحفظكم ويرعاكم شيخنا الجليل على كل ما تبذله من مجهود

شكرا لكم شيخنا الطيب والله يرحم ولدكم

شكرا لكم شيخنا الطيب والله يرحم ولدكم

اغم هيجي نهر من ياخذ الزين ....... دكات النهر بالحزن وحساس

مو ابنك اخذ لا اخذ اعلام ....... قبله هواي غرك وتشهد الناس

شفته شكد نذل هالنهر ياشيخ ...... حرم اطفال رضع وعمهم العباس

هاني من صرخ ماصدت العين ...... عاين والتفت علنهر حراس

صاح بعالي صوته اه يالحسين ...... وعيال الحسين اتصيح نبراس

**************************************

اللهم ارحم شيعة امير المؤمنين والهم ذويهم الصبر والسلوان

اهلا فيك غدير خم وشكرا ليك على الابيات الشعرية

الله يعينك شيخنا الغالي شعرك جدا حزين

» باجر اخوتي يرحون